靠得住粥麵小館 (Citylink)

營業中

休息中

夜晚嚟到沙田連城廣場，又冇目標想食邊間餐廳，見到靠得住唔係好多人排隊，所以就試一試。排隊等咗5至10分鐘左右，就有位可以入去喇。前菜點咗咗個口水雞，口水雞用青瓜墊底，其實份量唔算好大，雖然口水雞上面有好多辣油，但係就唔算好辣。另外點咗個心肝寶貝粥，其實即係有帶子同埋豬潤，帶子其實都係得三至四片，份量唔算好多，但係都幾特別嘅，因為平時啲粥好少落帶子。另外豬潤份量ok，質素就一般正正常常，又唔算十分出色。粥底方便都尚算綿滑。