影片
更多
2019-02-26
55 瀏覽
2019年2月23日。雨。銅鑼灣。假日緊係要同親親男朋友食下好嘢喇～呢日就嚟銅鑼灣食米芝蓮級餐廳～玄鮨喺開平道，喺利園附近，近大坑餐廳分開幾個部分，有普通餐枱另一邊係吧枱，可以食Omakase，見到師傅同食客都傾得好開心～另外仲有包廂，唔同包廂牆紙都唔一樣但同樣高雅～牆上面掛咗唔同年份嘅米芝蓮認證原來連續四年都攞到米芝蓮推介見到呢啲Cert就好似信心嘅保證～睇完Cert就睇番餐牌先～午餐有Lunch Set，餐牌只有日文同英文唔識睇日文就睇英文喇～一人嗌一個餐就啱啱好喇～Deluxe Chirashi，$360即係豪華什錦丼日式套餐當然冇咁簡單，什錦丼係主角配角有漬物、茶碗蒸同麵豉湯非常豐富～近睇一下個豪華什錦丼先～～餐碗本身都好靚～再加埋五顏六色嘅新鮮刺身，未食都留晒口水～～豪華什錦丼果然非常豪華！淨係魚嘅刺身都成五六種，食得出嘅有池魚、鯖魚、鯛魚，仲有最驚喜嘅拖羅！有兩件厚切拖羅，係我人生中食過最最最入口即融嘅拖羅食落軟綿綿，咬落去會感受到油脂爆出嚟嘅瞬間，油香四溢～另外要大讚嘅係海膽，只有純粹嘅鮮甜味，一啲都唔腥就連平時驚食海膽會有奇怪汽油味嘅男朋友試完都大讚好味～其他赤貝、帶子
假日緊係要同親親男朋友食下好嘢喇～
呢日就嚟銅鑼灣食米芝蓮級餐廳～
玄鮨喺開平道，喺利園附近，近大坑
餐廳分開幾個部分，有普通餐枱
另一邊係吧枱，可以食Omakase，見到師傅同食客都傾得好開心～
另外仲有包廂，唔同包廂牆紙都唔一樣
但同樣高雅～
牆上面掛咗唔同年份嘅米芝蓮認證
原來連續四年都攞到米芝蓮推介
見到呢啲Cert就好似信心嘅保證～
睇完Cert就睇番餐牌先～午餐有Lunch Set，餐牌只有日文同英文
唔識睇日文就睇英文喇～
一人嗌一個餐就啱啱好喇～
Deluxe Chirashi
$360
1 瀏覽
0 讚好
0 留言
Deluxe Chirashi，$360
即係豪華什錦丼
日式套餐當然冇咁簡單，什錦丼係主角
配角有漬物、茶碗蒸同麵豉湯
非常豐富～
Deluxe Chirashi
$360
12 瀏覽
0 讚好
0 留言
近睇一下個豪華什錦丼先～～
餐碗本身都好靚～再加埋五顏六色嘅新鮮刺身，未食都留晒口水～～
豪華什錦丼果然非常豪華！
淨係魚嘅刺身都成五六種，食得出嘅有池魚、鯖魚、鯛魚，仲有最驚喜嘅拖羅！
有兩件厚切拖羅，係我人生中食過最最最入口即融嘅拖羅
食落軟綿綿，咬落去會感受到油脂爆出嚟嘅瞬間，油香四溢～
另外要大讚嘅係海膽，只有純粹嘅鮮甜味，一啲都唔腥
就連平時驚食海膽會有奇怪汽油味嘅男朋友試完都大讚好味～
其他赤貝、帶子、蝦都好大隻，味道十分鮮甜～
喺眾多材料之中，有件同其他刺身、海鮮好似格格不入嘅嘢
就係喺海膽隔籬黑白色嘅嗰件，佢原來係菇夾魚板
呢個配搭好特別，而且好好味～～～～
整碗丼每一樣食材都美味可口，就連飯都撈咗好似XO醬嘅調味料
精緻鮮美～
Sashimi Lunch
$330
7 瀏覽
0 讚好
0 留言
Sashimi Lunch，$330
呢個刺身套餐係男朋友嘅
配菜同樣有漬物同麵豉湯，另外有煮物（筍&南瓜）同埋白碗
Sashimi Lunch
$330
7 瀏覽
0 讚好
0 留言
刺身擺盤心思十足，造型滿分～
最特別嘅一樣係魷魚夾青瓜，顏色上已經配搭得好靚
擺咗落口就知道呢兩樣食材嘅質感經過深思熟慮達致平衡
魷魚厚身新鮮，口感香糯，咬多幾下會感覺漿住喺嘴
呢個時候青瓜嘅爽脆清甜就發揮作用，沖走因香糯口感而產生嘅膩滯感
取得平衡～
焦糖布丁
5 瀏覽
0 讚好
0 留言
焦糖布丁，$0
Lunch Set最後可以揀甜品或者咖啡
當然要試下甜品喇～
呢個雞蛋布丁蛋味香濃，淋上焦糖做點綴
貼心嘅服務就係甜品羮都係凍嘅，確保以最佳食具享用美食
整個午餐食完令人齒頰留香，回味無窮～不愧為米芝蓮之選～
張貼
