泰潮 (已結業)

泰潮滷水鴨飯呢間泰潮嘅泰國餐廳係米芝蓮食店🤩，泰國菜就食得多，但泰式嘅滷水第一次食，食完覺得好好味！😋😋個套餐包左滷水鴨飯、滷水鴨腎、滷水蛋、泰式咸菜同埋泰式清雞湯，仲包一杯泰式飲品，我order左泰式奶茶。滷水鴨肉嫩滑得黎好juicy🥰，鴨腎爽口入味，超鍾意綠色嘅泰式酸辣汁，第一次點晒成碟醬汁都覺得唔夠，同鴨肉嘅味道出奇地夾👍🏻，酸酸辣辣咁樣，非常開胃！呢道菜所用嘅滷水汁同港式嘅滷水汁味道唔一樣，呢間餐廳所用嘅滷水比較偏甜同埋有泰國風味。跟餐嘅泰式清雞湯好鮮甜，唔係味精湯黎，而且湯可以任添，好抵食！跟餐飲品泰式奶茶都沖得好正宗，同係泰國飲嘅冇分別，好香好濃☺️！