影片
更多
2023-11-25
5495 瀏覽
舊同學由外地返嚟飯聚，同學提議試吓一間高級傳統粵菜食府「家全七福」，連續兩年獲得米芝蓮推介。餐廳位於酒店三樓，中菜廳格局，樓底高，牆上有中國畫裝飾，我哋一行八人，安排坐大圓枱，座位寬敞，都見到大部份係遊客嚟幫襯。乳豬需預先落訂，另留起叉燒及炸子雞。◈ 大紅片皮乳豬全體 $2000餐廳招牌菜式，需預先落訂，以前去飲宴都經常食到乳豬全體，近年比較少遇到。乳豬以炭火烤製，第一食先食脆皮，外皮烤得酥脆，油香四溢，刀工了得，皮下保留薄薄一層脂肪，配上甜麵醬、酸菜，大蔥絲，千層餅夾住食，感覺會吸減啲油，減低肥膩感。享用完脆皮部份，店員會攞返入廚房，隨後會上第二食乳豬斬件同豬骨，肉質嫩滑，唔太瘦亦唔肥膩，無多餘肥膏，調味剛好，唔會過鹹。◈ 蜜汁叉燒 (例) $420米芝蓮推介必食叉燒，肥瘦比例各佔一半，所謂嘅半肥瘦，切得有厚度，肉質軟腍鬆化，肥嘅位置有咬口，蜜汁清甜又唔會蓋過叉燒原味道，最緊要燒烤完，肉汁依然被鎖住夠晒juice。◈ 當紅炸子雞 (1隻) $600唔算好大隻，外表炸得金黃油亮，皮真係炸得非常脆，入口嚓嚓聲裂開，雞肉緊致嫩滑，有肉汁，鮮雞味濃，一啲都唔肥。◈ 欖菜乾煸四季豆 $200唔
大紅片皮乳豬全體
762 瀏覽
1 讚好
0 留言
◈ 大紅片皮乳豬全體 $2000餐廳招牌菜式，需預先落訂，以前去飲宴都經常食到乳豬全體，近年比較少遇到。乳豬以炭火烤製，第一食先食脆皮，外皮烤得酥脆，油香四溢，刀工了得，皮下保留薄薄一層脂肪，配上甜麵醬、酸菜，大蔥絲，千層餅夾住食，感覺會吸減啲油，減低肥膩感。
享用完脆皮部份，店員會攞返入廚房，隨後會上第二食乳豬斬件同豬骨，肉質嫩滑，唔太瘦亦唔肥膩，無多餘肥膏，調味剛好，唔會過鹹。
蜜汁叉燒 (例)
116 瀏覽
0 讚好
0 留言
◈ 蜜汁叉燒 (例) $420
米芝蓮推介必食叉燒，肥瘦比例各佔一半，所謂嘅半肥瘦，切得有厚度，肉質軟腍鬆化，肥嘅位置有咬口，蜜汁清甜又唔會蓋過叉燒原味道，最緊要燒烤完，肉汁依然被鎖住夠晒juice。
當紅炸子雞
120 瀏覽
1 讚好
0 留言
◈ 當紅炸子雞 (1隻) $600
唔算好大隻，外表炸得金黃油亮，皮真係炸得非常脆，入口嚓嚓聲裂開，雞肉緊致嫩滑，有肉汁，鮮雞味濃，一啲都唔肥。
欖菜乾煸四季豆
119 瀏覽
1 讚好
0 留言
◈ 欖菜乾煸四季豆 $200
唔係咩名貴食材，但乾煸得夠晒火喉，四季豆表面皺皺的，口感焦香乾脆，唔會過諗，加埋欖菜嘅鹹鮮，增加風味。
魚香茄子炆伊麵
644 瀏覽
0 讚好
0 留言
◈ 魚香茄子炆伊麵 $450
上枱已經陣陣鹹魚香，茄子棉滑索汁，加埋肉碎爆得好香，餡料多，伊麵有彈性，唔會過諗，炆得入味，唔肥膩，隻碟唔會有多餘嘅油滰住，大廚煮得出色，全晚我最鍾意。
生炒牛肉飯
323 瀏覽
1 讚好
0 留言
有云要知道廚師真功夫，就應該要試炒飯，平凡嘅炒飯要炒得好食並唔簡單。牛肉鬆軟鹹香，加埋雞蛋蔥花簡直絕配，時間同火喉控制得好好，生菜絲微軟依然保持爽口，飯炒得粒粒分明，係每粒飯都會被蛋包住嘅黃金炒飯，盡顯廚師功架。
菠蘿咕嚕肉
189 瀏覽
0 讚好
0 留言
◈ 菠蘿咕嚕肉 $420
夠鑊氣，糖醋汁酸甜度足夠，但豬肉係切薄片，炸得乾咗啲，我哋都有食淨。
蛋白杏仁茶、生磨合桃露
190 瀏覽
1 讚好
0 留言
◈ 蛋白杏仁茶 (位) $80
杏仁味好香濃，一絲絲蛋白夠滑夠多，融入杏仁漿口感幼滑細膩。
◈ 生磨合桃露 (位) $80
有點失望，浠咗啲，唔夠濃郁。
粵菜嚟講算貴價，當然會有更高期望，菜式有出色嘅，亦有點失望位。埋單$5758，當我哋離開嘅時候，先發現門口貼有張海報，用匯豐咭埋單可享九折，可惜發現得太遲，埋單時店員亦無提及，食客去幫襯就可以留意下。
#家全七福地址：灣仔駱克道57-73號粵海華美灣際酒店3樓
張貼
