蔦 (已結業)

Coupon到期日，海港城好似淪陷左咁，好多餐廳未夠五點已經打晒蛇餅！呢間平時行過聞到好香，想試好耐，見不足十個人輪候緊就排下啦。點知六點幾已經無晒小食，飯類（淨返白飯），豚骨湯同照燒雞...誇張！結果可以選擇的只有三款湯底（醬油，鹽味及味噌），叉燒數量（一片或四片）同要唔要蛋。計返價錢，即係個叉燒拉麵係$98，加隻蛋加$15，加多三片叉燒加$36。價錢貴過一般拉麵店，唔知係因為米芝蓮一星拉麵定因為海港城舖租貴，但我都係睇價錢同食物質素既CP值。醬油味玉叉燒拉麵 $149鹽味味玉拉麵 $113賣相正正常常，湯底幾清，有洋蔥粒同蔥絲。未撈匀飲左啖湯，兩個湯飲唔出咩分別，反而鹽味湯底越嗒只有薄荷葉（？）味。大片叉燒好瘦但唔柴皮，不過切得好薄，最後要讚下隻蛋流心同麵質彈牙，不過都唔係好獨特。宜家做全單八折，另收加一，呢個價錢呢個食物質素我會選擇去其他拉麵店食，之前做買一送一就差唔多。另外可能太忙，服務態度對比其他日式拉麵店就差一大截，根本無服務可言。客人入店無店員理會，等左陣要開聲然後店員（望住收銀機）都無望過個客，只係指住另一個門口話果度排。落單時店員硬銷加飲品，但全程無幫客人加水。另外聽