Le Souk (已結業)

依間中東餐廳位於soho，成個佈置都好有異國風情。店員好熱情，而且仲有米芝蓮推介，所以最好提早訂位。Egyptian Mezze Platter $210可以一次試哂多種starter,兩個人食完都飽左一半。有Hommos, zaaluk, babaganoush可以點Sahara bread食，分別係鷹咀豆泥同兩種茄子泥，味道香濃，口感軟滑。Lamb Kefta係羊肉餅，有少少羊羶味，不過就咁食會咸左啲。Moroccan Cigars係炸芝士條，要趁熱食，外脆內軟。Falafel係炸豆餅，我就麻麻依種粉粉地口感。另外仲有Feta Cheese,Mixed Olives & Green Leaves等，我mix埋一齊最後食。Lamb tagine $190用左陶鍋可以keep住啲肉汁，一打開個蓋就聞到啲羊羶香，羊肉質地細嫩，加左杏脯和同西梅，食落酸甜不膩。Mango smoothie 比較甜，但係好解渴。Moroccan mint tea好香薄荷味，好清新醒晨。