玄鮨 (已結業)

玄鮨連續五年獲得米芝蓮推介的日本料理，廚師手藝正宗，加上食材來自日本，不論係食物、味道、裝修、服務都係高水準，獲米芝蓮推介當之無愧今次揀左午市時段去，平均一份午餐定食約三百至四百元左右，一試無妨，當天店員安排左我同家人坐上bar檯，跟著送上熱毛巾同前菜，有簡單介紹菜單，服務態度不錯－－－－－－1. Sashimi lunch $330煮物刺身定食，賣相好似藝術品一樣，既可欣賞，又可食用，刺身一共有8款，每款兩件，有拖羅、帶子、油甘魚、鯛魚、蝦等，我最鍾意係拖羅，非常肥美，油脂豐富，甜蝦鮮甜彈牙，油甘魚魚味好濃且甘香，每樣魚生都非常新鮮好味2. Deluxe Chirashi $370茶碗蒸配刺身丼飯，茶碗蒸滑溜鮮甜，餡料豐富，非常出色刺身丼飯非常吸睛，海膽同三文魚籽層層疊起，北海道馬糞海膽入口即溶，鮮甜味係口中融化，三文魚籽粒粒都脹卜卜，咸咸香香再配上日本米飯，簡直一絕，吞拿魚色澤紅潤，脂肪平均，除了刺身，仲有香菇漬物，送飯一流，一粒米飯都冇剩3. 抹茶雪糕餅每個定食都跟一份甜品或者咖啡，我點左一份抹茶雪糕餅，濃郁的抹茶味再配搭微脆既餅皮，為今餐劃上完滿句號