影片
更多
2022-03-20
297 瀏覽
餐廳於去年進駐海港城，由米芝蓮大廚主理，主打來自意大利嘅傳統家的味道 🏡 當時一道龍蝦手工意粉喺 Foodie 界洗晒版，即刻相約朋友一試，當時仲可以四人同檯食飯 🥲 餐廳面積頗大，客滿嘅緣故環境相對擾攘，餐牌上睇得出部分菜式食材搭配創新，同店家想行嘅傳統路線有啲出入。由裝潢服務到食物質素都唔算 Fine Dine，但份量少、價錢亦唔平，整體食物味道不俗，但四個女仔都唔夠食，前後加咗幾次單，名過於實少少失望，似係 Mark Up 咗嘅 Pici（我愛 Pici 起碼佢永遠都咁好食 🤗⋄ Classic Lobster Tagliatelle | $308有個小小迷思，餐牌上寫住 Tagliatelle 經典龍蝦扁意粉，而實際嘅意粉係波浪緞帶狀，經一番查證，佢哋用嘅係 Mafaldine 嚟㗎 😆 手工意粉口感 Al dente 富蛋香，掛上濃郁醬汁同鮮嫩彈牙嘅龍蝦肉，不愧為招牌 🌟 惟份量少得誇張，每個人分得兩條麵 😂⋄ Classic Meat Balls in Tomato Sauce | $98 用料紮實、肉汁飽滿，簡單配以意式番茄醬，好食。⋄ Spicy Eggplant wi
Classic Lobster Tagliatelle
$308
11 瀏覽
0 讚好
0 留言
⋄ Classic Lobster Tagliatelle | $308
有個小小迷思，餐牌上寫住 Tagliatelle 經典龍蝦扁意粉，而實際嘅意粉係波浪緞帶狀，經一番查證，佢哋用嘅係 Mafaldine 嚟㗎 😆 手工意粉口感 Al dente 富蛋香，掛上濃郁醬汁同鮮嫩彈牙嘅龍蝦肉，不愧為招牌 🌟 惟份量少得誇張，每個人分得兩條麵 😂
⋄ Classic Meat Balls in Tomato Sauce | $98
用料紮實、肉汁飽滿，簡單配以意式番茄醬，好食。
⋄ Spicy Eggplant with Minced Anchovy Pizza | $-
期間限定嘅「魚香茄子 Inspired」口味，Pizza 邊烘得焦香有嚼勁，餅底俾油浸透咗濕趿趿咁，啲汁滴到周圍都係，以傳統薄餅嚟講都幾差 😟 甜麵醬、茄子同鯷魚碎嘅配搭幾新奇，試一次就夠。
⋄ Tuna Avocado Tartare with Pickled Onions | $198
幾乎間間西餐廳都有嘅前菜，真係輕易分出高下，首先價錢真係貴，牛油果份量好重手 🥑 吞拿魚既唔肥美仲要有筋，調味都無咩特別，好過去搶 🥲
張貼
