影片
更多
2022-07-23
435 瀏覽
一直都好想試呢一間米芝連倫敦麵包舖。先講購物流程，首先入到去見到一班人喺度等緊外賣，完全唔知條隊由邊度排起，呢點麻麻哋。店舖喺管理人流方面冇做得好足，相比起同區一間都出名嘅麵包舖，嗰邊嘅人流管制同埋購物流程相對簡單易明而且快捷。今次我叫咗佢哋出名嘅 Irish soda bread 同買chocolate cake 同carrot cake。見網上評價曲奇麻麻哋，所以冇晒錢叫到。 等咗大概5分鐘先拎到麵包同蛋糕，但係明明其實只係個櫃度攞出嚟。。。好彩食物味道相對有驚喜先講我覺得最好食嘅Chocolate cake$20 細細個， 唔知係因為天氣熱加上外賣關係買到返嚟個蛋糕已經融融地，影出嚟效果當然唔靚。係我以為中咗伏之際好彩擺落口食完全顛覆我對朱古力蛋糕嘅睇法。與其話佢係一個朱古力蛋糕我更加覺得佢似係一個朱古力brownie。 超濃朱古力味，我本身將佢擺咗入雪櫃拎出嚟雪凍嘅感覺更加一流。 似食緊一舊生朱古力。 我見佢標榜係用Valrhona黑朱古力，雖然我未食過呢隻牌子嘅朱古力但係可以話呢一舊朱古力蛋糕$20非常高CP值，我絕對返嚟回購。至於佢嘅carrot cake, 上邊有一pat
先講購物流程，首先入到去見到一班人喺度等緊外賣，完全唔知條隊由邊度排起，呢點麻麻哋。店舖喺管理人流方面冇做得好足，相比起同區一間都出名嘅麵包舖，嗰邊嘅人流管制同埋購物流程相對簡單易明而且快捷。
今次我叫咗佢哋出名嘅 Irish soda bread 同買chocolate cake 同carrot cake。見網上評價曲奇麻麻哋，所以冇晒錢叫到。 等咗大概5分鐘先拎到麵包同蛋糕，但係明明其實只係個櫃度攞出嚟。。。
好彩食物味道相對有驚喜
先講我覺得最好食嘅Chocolate cake
$20 細細個， 唔知係因為天氣熱加上外賣關係買到返嚟個蛋糕已經融融地，影出嚟效果當然唔靚。係我以為中咗伏之際好彩擺落口食完全顛覆我對朱古力蛋糕嘅睇法。
與其話佢係一個朱古力蛋糕我更加覺得佢似係一個朱古力brownie。 超濃朱古力味，我本身將佢擺咗入雪櫃拎出嚟雪凍嘅感覺更加一流。 似食緊一舊生朱古力。 我見佢標榜係用Valrhona黑朱古力，雖然我未食過呢隻牌子嘅朱古力但係可以話呢一舊朱古力蛋糕$20非常高CP值，我絕對返嚟回購。
至於佢嘅carrot cake, 上邊有一pat white chocolate cheese granache。 蛋糕相對鬆軟，食到一絲絲蘿蔔絲，中間就有鳳梨將。 我覺得呢一個蛋糕相對冇Chocolate cake咁好食，而且仲貴$9。 成個蛋糕有啲太甜，而且佢仲諗咗玉桂粉，其實食唔到carrot 味， 唔講我會以為係一個Pine Apple cake。
至於一個又係俾人講到好好食嘅Irish soda bread loaf
我叫咗半份 $38
好欣賞佢嘅sugar sprinkles and rolled oats, 佢嘅甜味令到呢個麵包食落感覺似蛋糕。 佢係麵包偏濕潤同鬆軟，唔會話好硬或者好實。 食落有淡淡梳打粉嘅味，上網睇返先知呢款麵包冇落到yeast, 所以相對焗嘅時間會較快。
$38來講呢一件包都幾飽肚，應該食到兩至三日，都幾高CP值。
張貼
