粥麵館 (已易手) 新餐廳

我呢幾日都要喺鰂魚涌做野，喺附近搵食嘅時候，比我見到粥麵館，仲話自己係米之蓮推介嘅舖頭之一，咁難得經過無理由唔入去食個lunch，所以諗住試吓佢個粥先。餐廳午市時間係要搭枱的，所以一個人食飯嘅我好快就有枱啦😆我揀咗碗涼瓜咸排骨粥，而家夏天食涼瓜就啱晒啦，可以清下熱氣。另外鹹排骨可以下火，啱晒成日夜訓嘅我。佢嘅粥底唔錯，粥好綿身。涼瓜稍為生啲，所以口感較硬，苦味較重。鹹排骨幾大件，調教嘅味道不錯，有鹹香嘅味道，可惜夾雜碎骨，食嘅時候要特別小心😅但味道確實唔錯，值得再食