天天海南雞飯 (Fashion Walk)

營業中

休息中

黎到天天海南雞一定要叫佢招牌無骨海南雞，我地2個人叫左中份，份量都好多。一上台已經覺得好驚艷，佢擺碟靚之餘，仲見到D雞皮有有啫喱，好晶瑩剔透。雞肉食落好滑。有3款醬提供，個人最鐘意配黑醬油，完全將雞肉味道昇華左。怕食膩仲可以食旁邊嘅青瓜，好清新。食海南雞一定要叫油飯，油飯粒粒分明，好香！豬頸肉好有誠意，底放左8角同木，仲有啲花，跟住staff先即時係你面前燒。 所以燒先係好香，食嘅時候仲會食到頭先底部材料燒出黎嘅味。跟住仲有沙嗲醬，好香濃嘅花生味，同豬頸肉都好夾。豬頸肉咬落唔會柴，仲有甜甜嘅蜜香甜品叫左芒果糯米飯，芒果好甜，糯米飯唔會太硬。熱美綠恐龍都好濃郁，好飲！