米走雞 (昭德大廈) (已結業)

其實早喺幾年前已經試過佢嘅芝士雞煲，嗰時話係首創覺得幾特別，味道都唔錯，所以就再次去encore! 不過長沙灣分店都幾難搵，門面仲要大大隻字寫住「嘆得起」以為自己去錯😆😆 猶豫咗一陣見到下面寫咗米走雞先入去😆🍭芝士雞煲(小，$198）雞煲佢地就主要分咗芝士同埋麻辣，好明顯方便食得辣同唔食得辣兩組人😆 我就當然揀芝士～ 芝士份量亦可自選，怕肥可以減量！雞煲份量就揀咗小，但雞件都唔少架！2個人都好夠～ 熱辣辣開煲時已經聞到好香芝士味，每件雞都沾滿芝士～ 雞肉嫩滑，香口好食！🍭手切新鮮牛頸椎($168)🍭鴨血($43)🍭哈哈蝦中寶($69)食完雞煲就可以加水轉火鍋，或者加湯～ 火鍋料我地因為食完雞煲已經飽飽地所以點咗呢3樣～ 但其實佢地有好多火鍋配料選擇！牛頸椎一嚟到已經覺得色澤幾靚，肥瘦均勻，就咁碌一碌就食得，牛味出又爽口，正～ 蝦中寶即係蝦滑，但每件都好大舊，喺喺蝦肉唔腥，幾好食！鴨血份量都幾多，不過如果有麻辣醬就好更加好食！