茶A (已結業)

又到夜晚唔想煮飯既時候，我地落左去「茶A」食晚飯。餐牌有好多選擇，有焗飯、燴飯意粉、米線、鐵板餐、湯泡飯、炒飯粉麵、一人火鍋、晚市套餐。一人火鍋-穀飼肥牛湯底有3款，沙嗲/蕃茄薯仔/魚湯我地點左蕃茄薯仔湯，蕃茄薯仔湯味道好濃郁，好似飲緊薯茄薯仔湯。火鍋配料有穀飼肥牛、蔬菜籃、米粉，另外我地亦追加午餐肉和香草腸，食到最後加埋米粉，米粉吸盡湯汁，蕃茄味勁突出，份量都好足夠，一個人食都好飽肚。焗芝士蕃茄豬扒飯芝士蕃茄豬扒飯，豬扒上面有滿滿的芝士，仲有拉絲效果，豬扒有4-5件，肉質軟腍入味，底下一定要配上蛋炒飯，如果沒「炒底」的焗豬扒飯，就像失去了靈魂一樣。