Route 83 (逸峯商場)

營業中

休息中

之前有幫襯開大埔店，粉嶺店光猛，樓底又高，坐得好舒服。粉嶺店開咁耐，幫襯咗咁耐。我最鍾意食佢嘅安格斯肉眼扒、德國咸豬手。德國咸豬手非常正，外皮炸得好脆卜卜，肉質嫩滑，唔會太鹹，配埋滑溜溜嘅薯蓉，嬴唔少係市區嘅西餐廳。安格斯肉眼扒，俾貴啲都值，煎得靚，安格斯牛味亦夠香。另外意粉調味出色，唔同一般西餐廳，绝冇投訴。就算午餐嘅牛扒亦好食。價錢公道，食物質素好。飲品方面，咖啡唔錯，要加錢！而且又有靚啤酒賣！係港島、九龍嘅朋友，入粉嶺行一行龍躍頭文物徑，行完沿龍躍頭排坊步行7-8分鐘左右就到。好方便。另外粉嶺火車站有專線小巴停係餐廳所在商場門口。