麻辣串串香 (已結業)

一黎就叫左個扇貝 超級正 本身驚可能會有腥味 但係一啲都冇 仲要加左啲蔥同蒜頭又冇搶走曬扇貝嘅味 同埋本身驚扇貝個汁會好鹹 但又唔會 如果要叫扇貝 一定要早啲叫 唔係食飽先叫就冇禁正 之後叫左個聖子 雖然唔係太大件 但水準都係到 都係唔腥 食海鮮唔腥最緊要 然後見倒個酸辣粉好似幾吸引 就叫左個配薯粉 個湯底冇得彈 又多餸食 啲餸仲要ok入味 一定要trytry佢 之後叫左啲小食串燒 半架燒到岩岩好 唔會太韌 仲有個餃子釀雞翼 都幾特別 不過本人比較中易食雞翼釀芝士 應該會仲正 最後叫左個燒菠蘿同茄子 燒菠蘿係我食禁多間串燒最甜最多汁嘅一間 茄子都好夠蒜同汁 好正 仲有個豆漿7蚊好底飲 唯一唔係幾好嘅係地方比較細 有少少迫 但冷氣都係夠嘅 服務員態度都好好 每一道串燒師傅都係好用心燒 全部都係燒到岩岩好 想同朋友聚一聚同吹水就最好不過