牛之館 (已結業)

今晚嚟到火鍋新貴嘅牛之館，就喺旺角文華商場一樓。假日關係，嚟到門口都已經好多人等位，有點期待！ 入到餐廳，估唔到裝修係以粉紅色為主，少女心出晒嚟添💞。揀咗【專尚24品】送刺身一客，三款刺身，各款每人一片，不過不失。 可以食120分鐘，都夠晒時間。 【金銀蒜蛤蜊雞鍋】出面比較少有，就叫咗呢款湯底。 蛤蜊新鮮肉大，所以個湯底湯清得嚟幾有鮮味，無油膩感，可以食到更多嘢食~肉類先後上枱，有唔同嘅肉類，又有唔同部位，而且味道好唔錯，唯一美中不足係無牌仔註明，唔太知係邊款。大部份火鍋料都可以自助，排列整齊有序，就算有食物跌咗落地，都見都店員即刻去清理，呢方面做得好好。熱盤選擇都有唔少，但我😍最鍾意係佢嘅甜品，有冰凍生果、乳酪、豆腐花、自製窩夫同一人一杯雪糕。 飲品方面最正係有無糖茶，茉莉白毫好香，值得推介。