Camellia (已結業)

近來工作較忙，臨急先揾餐廳同閨蜜慶祝生日，上網揾左一陣，好快就比呢間餐廳既飾物盒下午茶吸引，由於層架式食過太多，今次都想換下新風格，比新驚喜朋友。雲石餐枱同粉紅色梳化加埋後面滿滿既茶花，少女心爆錶，加埋飾物盒襯托鹹甜點打卡一流。至於食物質素方面，本人覺得最好味既鹹點係迷你蝦脆筒，蝦味濃郁，作為小食加分，一人得一個實在太少。鹹點算係幾出色，三文魚小撻同黑松露魚子醬撻都值得回味。不過精緻甜食方面就不過不失，無大驚喜，比較普通。另外book位既時候唔記得要求order坐花花牆前，影人像相無咁靚，如果慶生大家可以先order。飲品方面，本身我想飲下普通茶飲就算，但生日既朋友想試下紙醉金迷，就額外加比佢，呢個反而幾suprised，好fresh同有d乳酪味，好想飲多幾啖，不過杯野係佢既，我就唯有試過就算啦。呢間餐廳慶祝生日唔錯，會同你畫碟，同送蠟燭，不錯不錯！