蓮香樓 (已易手) 新餐廳

蓮香樓係香港歷史悠久既茶樓之一，好多遊客都會慕名而去，但唔係遊客既我一早已經轉投佢既兄弟店蓮香居懷抱，始終坐得較舒服，易搵位，同埋比較企理。不過蓮香樓始終有其特色，點心車一出就要圍住點心姐姐搶點心，同唔認識既食客好迫咁坐埋一枱，都只有呢種舊式茶樓可以體驗得到，因有朋友未試過去蓮香樓所以就同佢去食晏，午飯時間一貫多人難搵位，幸好啱啱有人起身走，都算快有位，點心叫左鵪鶉蛋燒賣，鴨掌柚皮，糯米雞，蝦腸，鮮蝦粉粿，同埋叫左碗揚州炒飯，點心不過不失，蝦腸既蝦完全無味，不過值得一提既係揚州炒飯飯粒炒得粒粒分明，唔油，好食，可以叫一碗或者一碟，炒飯比點心更好~~