影片
更多
2017-10-31
3549 瀏覽
帝景酒店位於汀九橋下面，環境位置雖未至於方便，不過鄰近有大型公共停車場，而且又有班次頻密嘅邨穿梭巴士往來酒店和荃灣。旗下餐廳【帝景軒】為慶祝十週年慶典，特意推出「喜粵滋味」系列，推出咗十款招牌嘅粵式佳餚，好讓一眾食客品嚐。大廚喺傳統嘅粵菜基礎上，加入咗唔同嘅創新概念，務求令食客可以品嘗到粵菜嘅精髓，以及廚師嘅用心。大廚把食材作改變後，還能滲透出食物原本的味道，烹調技巧可見真章。由於【帝景軒】推出飲食優惠，凡惠顧滿300蚊，就可加配一道指定菜式。呢一碗《鮮拆蟹肉金粟羹》，色澤金黃通透。大廚用手拆蟹肉，配上香甜粟米粒，湯羹唔會太稀，亦唔會太過濃稠，可謂恰到好處。一梳梳的蟹肉鮮甜美味，配上飽滿嘅粟米粒，熱辣辣，暖意入心。大廚亦以多種健康素材黎製作出各款佳餚，此道《秋葵牛肝菌小耳朵》就用上酒店自家種植嘅有機秋葵，加上美味牛肝菌，以及營養價值相當高嘅小雲耳，泡製出一道味道清新、開胃嘅涼拌菜式。此道涼伴菜式用上黑醋，加上少許椒絲，味道酸酸辣辣，甚為開胃。秋葵口感爽脆粘滑，食用纖維相當高；而木耳補血可為人所共知。如此開胃前菜，令人食慾大增。《香芒水晶虎蝦球》賣相相當小巧精緻。鳥巢上面放上金黃色嘅水晶
旗下餐廳【帝景軒】為慶祝十週年慶典，特意推出「喜粵滋味」系列，推出咗十款招牌嘅粵式佳餚，好讓一眾食客品嚐。
大廚喺傳統嘅粵菜基礎上，加入咗唔同嘅創新概念，務求令食客可以品嘗到粵菜嘅精髓，以及廚師嘅用心。大廚把食材作改變後，還能滲透出食物原本的味道，烹調技巧可見真章。
由於【帝景軒】推出飲食優惠，凡惠顧滿300蚊，就可加配一道指定菜式。呢一碗《鮮拆蟹肉金粟羹》，色澤金黃通透。大廚用手拆蟹肉，配上香甜粟米粒，湯羹唔會太稀，亦唔會太過濃稠，可謂恰到好處。一梳梳的蟹肉鮮甜美味，配上飽滿嘅粟米粒，熱辣辣，暖意入心。
大廚亦以多種健康素材黎製作出各款佳餚，此道《秋葵牛肝菌小耳朵》就用上酒店自家種植嘅有機秋葵，加上美味牛肝菌，以及營養價值相當高嘅小雲耳，泡製出一道味道清新、開胃嘅涼拌菜式。此道涼伴菜式用上黑醋，加上少許椒絲，味道酸酸辣辣，甚為開胃。秋葵口感爽脆粘滑，食用纖維相當高；而木耳補血可為人所共知。如此開胃前菜，令人食慾大增。
《香芒水晶虎蝦球》賣相相當小巧精緻。鳥巢上面放上金黃色嘅水晶球。一口咬下，原來內有乾坤，水晶球用原隻虎蝦煎製而成，入口香脆，咬落相當彈牙。加上大廚用鮮芒果特製而成嘅芒果汁，食落分外清甜。酸酸甜甜嘅感覺，無論大人細路都愛不釋手。係芒果汁入面配有鮮芒果肉同埋七彩椒粒，除咗令色彩更加繽紛璀璨之餘，亦為整道菜式增添口感。
再來一道佐飯菜式《宮廷花雕醬烤骨》。 呢度菜式可表演出大廚精湛的烹調技藝。菜式傳嚟嘅時候香氣撲鼻，令人垂涎欲滴。大廚以秘製南乳醬汁醃製五花腩排，再用滾油炸香，迫出油分，然後以慢火炆幾個小時，工序繁複，卻倍添用心。用筷子插下，輕易將豬腩肉分開，肉質嫩滑，油脂香氣佈滿口腔味蕾。吃起來不但沒半點油膩感 ，細嚼之下，可品嚐到醬汁味道香濃惹味，味道層次豐富，配以一碗絲苗白飯，更令人滿足。
最後係暖笠笠嘅《龍蝦湯蝦球帶子泡脆米》。紅噹噹嘅龍蝦湯味道濃郁，每啖靚湯都充滿龍蝦香氣。裏面嘅帶子同花球既新鮮又彈牙。脆米同湯飯嘅口感截然不同，將脆米加入龍蝦泡飯之中，可以食出軟熟嘅白飯，以及脆卜卜嘅脆米，令整個泡飯嘅口感更為豐富。
一頓豐富嘅晚宴，確實能令人賞心悅目。飯後到麗都灣散散步，曬曬月光，一樂也~
張貼
