粵 (已結業)

近幾日好多親友來港，今次的主角是五年沒見由澳洲回來的姨媽和表妹。老豆特意揀左屋企附近新開張既一間酒家，和眾親友一聚。"粵"位於城市花園酒店一樓(前金科)，環境寬落裝修有D似中環某五星酒店的中菜廳，食物水準不錯，我想同區的廣東菜除了利苑可以同佢比較之外應別無他選，當然它的價錢也不便宜(始終是酒店嘛！)，平均消費大概$200左右，而我就誠意推介片皮鴨同甜品腰果一口酥...............片皮鴨就皮脆肉嫩又唔會太乾身，絕對可以一試，至於個一口酥，雖然一碟得三件，但入口即溶既feel，完全令人一試難忘(我都食到第二件先feel到佢有幾好味，因為實在太酥啦.............哈哈)，希望下次再去食既時候可以keep住個水準。