亞玉豆腐花

營業中

休息中

近排多咗不同類型店舖推出優惠，就連荃灣好出名 嘅亞玉豆腐花早前都推出不定時$1黑白豆腐花，咁有心嘅小店當然要大大力支持。以前對亞玉嘅認知只係位於荃灣嘅糖水店，同埋隔離店係競爭對手，哈哈。睇到佢地嘅推廣先知原來仲有元朗分店同冰室，真係發現新大陸咁。-花奶豆腐花雖然遇唔到$1豆腐花，但有$3豆腐花系列。口味多籮籮，有喳咋、綠豆、紅豆、芝麻糊、涼粉等。今次揀咗花奶豆腐花，可以揀拎住個碗仔嘅堂食，或者外賣。係街到同其他人一齊拎住碗仔食豆腐花，其實都幾有風味，好懷舊。豆腐花豆味厚實，配上甜絲絲花奶同黃糖，入口香滑甜蜜，更有一份難得嘅人情味。