潮龍園

營業中

休息中

又到糧尾，唔想頹食兩餸飯，我一定嚟呢間～粉麵都係30令蚊，我哋仲點多碟菜、小食同埋嘢飲，承惠唔使100蚊！！！五香牛雜湯粉 $34牛雜每樣兩件，好有牛味，湯都濃郁，河粉好大兜，淨食呢碗我都夠晒飽！鮮蝦餃麵 $30餃好大隻，皮好薄，除左有鮮蝦，仲有木耳，都幾爽脆，都係30蚊，抵食！酥炸魚皮 $15估唔到炸魚皮成座山咁多，炸得酥脆之餘，又唔油膩腐魚通菜 隨餐+$12通菜都幾新鮮爽口，仲要腐乳畀得幾足，平時冇乜食菜，呢餐有菜真係加分最後，嚟返杯凍檸菜少甜（隨餐+$8），野食咁豐富，都唔使一舊水，真係糧尾恩物呀！