萬發海鮮火鍋菜館 (已結業)

今日呀爸生日, 本來我提議去酒家食半席宴, 但呀爸話反而想去大角咀嗰間萬發海鮮火鍋酒家食飯, 話D小菜好正!!嘩, 入到酒家, 估吾到好多食客, 就咁睇酒家D餸菜應該都幾好食！！我哋叫左一碟例牌乳豬, 但係都已經大大碟, 大大件, 我估最少有成十幾件, 份量十足, 入口皮脆肉厚, 啖啖肉！！跟住叫左個出名嘅薯仔牛柳粒, 真係好有驚喜, 牛柳粒香口鬆軟, 好有牛味, 薯仔香甜, 爽口！！再嚟雪裡紅芥蘭, 芥蘭爽脆, 如果單食雪菜會有D鹹, 但加埋芥蘭食卻剛剛好！！仲叫左金沙海中蝦！！每隻中蝦都滿舖蛋黃, 所以入口有濃郁嘅蛋黃香味, 中蝦爽口！！啫啫雞煲就ok啦！！最後叫嘅萬發石頭飯都好好味, 好足料, 仲係粒粒飯, 炒得好香！！精彩嘅生日宴！！