Mango Tree Café (已結業)

今日一行二人去yoho搵食，揀左呢間唔常見既mango tree。入面座位寬敞，柔和燈光，配埋牆上泰式風情既壁畫，好舒服。因為坐位充裕，冇人係出面等位，可以慢慢嘆首先黎左杯野飲先，有塊oreo係到但就冇曲奇碎襯托，欠缺誠意，飲落都冇曲奇味。但成個杯底都有朱古力醬，非常濃郁。稍微遮蓋奶茶味，少朱古力就做到平衡！但個名改做朱古力奶茶比較適合雞翼黎啦！好香冬陰公味，唔會炸得太乾身，醃味充足，正！如果想酸少少，可以加埋佢個醬。蝦膏炒飯份量不少，擺碟非常認真精美，仲有兩塊蝦片同肥而不膩既豬肉添！將所有配料拌勻就可以食！咸香既蝦膏加埋微酸芒果肉（淡黃色一絲絲既），食落更醒胃！ 個燒魚比想像中細但更惹味！肉質嫩滑juicy仲好有冬陰公味！美中不足既係糯米飯偏硬，中意有口感既我都覺得太硬太乾身。