mrs boss

營業中

休息中

Mrs boss舖位前身轉左好多手，主力都係買一啲精緻嘅便當。而「老闆娘」嘅裝修綠油油，仲有她嘅icon放喺招牌度，好吸睛。Mrs boss嘅便當，打卡係一流嘅。至於飽唔飽，依稀記得我食過一次佢嘅九宮格，一般飽。今次，我order咗佢嘅全日早餐。經OpenRice外賣連飲品叫all day breakfast 都係$50，唔貴，呢個包裝好精美，淨係對住個外賣盒都可以打一輪卡。甫打開，見到佢嘅份量比想像中嘅大，鰂魚涌係一個商業區，好多OL打工，佢亦都定位為一個「港女餐」，所以很精緻，勁多菜。佢嘅菜真心多，我近排減肥，呢個早餐幾啱我。佢有2條魚手指🥰😍，不過略嫌鹹少少。最開心嘅，個早餐奉上咗一啲果仁同藍莓做小食，呢個飯前菜，相當吸引呀！Order既一杯奶茶，中規中矩，絕對比唔上茶餐廳嘅奶茶。整體來講，呢個全日早餐非常有驚喜，再加上佢舖頭裝修好潮，外賣很精美，「老闆娘」個頭像很「性感」，就算人唔飽，用電話影相都影飽晒。