LA FAMILLE

營業中

休息中

行街經過見到啲蛋糕好精緻，一個個咁用玻璃樽罩住，好似美女與野獸入面嘅玫瑰花一樣咁吸睛！大甲香芋黑糖麻糬 ($62)一打開個盒就聞到好香！大甲香芋忌廉香滑柔軟，滲透住芋頭清香，食落仲有芋泥嘅感覺。入面仲有層黑糖麻糬，口感綿密煙韌有濃濃嘅黑糖香，令味道層次豐富。英國伯爵茶 ($56)蛋糕蓬鬆軟熟，一入口就有濃郁嘅伯爵茶芳香，每啖都充滿雅致香醇嘅茶香，幽香怡人。日本白桃 ($62)除咗蛋糕頂層鋪咗白桃果肉之外，蛋糕入面都有好多白桃果肉，好足料！粒粒香甜多汁，味道清新怡人，口感清爽。