影片
更多
2024-07-04
109 瀏覽
今日係happy Friday同同事去食下好野先，呢間之前有食過晚餐，今次去試下佢地既Lunch Set先，好抵食😝又好好食，性價比好高，見出面都排曬隊咁，入面好chill，裝修好優雅，係呢度享受左個好正既午餐🌟澳洲牛胸腹排 $165我地今次叫左5成熟，上面仲淋上佢地獨有既醬汁，d牛肉整到好嫩🥩好滑，d薯仔又見到好惹味，分量好多，牛肉味真係好濃🌟炸黑松露蘑菇球呢個我第一次食，個黑松露味好重，好滑，好香口，入面仲有蘑菇粒🍄食落煙煙韌韌，又炸到熱辣辣，超惹味🌟盲槽魚海鮮鍋 $145、入面有青口，蜆，燒薯粒，海鮮濃湯汁🍲d海鮮係煮到好入味，好鮮甜，d青口同蜆都好肥美，嗦咪d海鮮湯得鮮甜簡直一流，而個魚係整到好嫩，入口即化咁，出面既魚皮係煎到好脆🌟牛油果凱撒沙律飯前食沙律真係好開胃，入面d沙律菜好新鮮，仲有好多就牛油果肉🥑仲有半個水煮蛋，淋上柚子醬汁，酸酸甜甜，好開胃🌟凍檸檬茶飲得出呢度係用手打既香水檸檬去整🍋飲落去個檸檬香味好重，又唔會好酸，好fresh優惠追加🌟香煎帶子 $78呢個菜式真係好特別😊用左椰菜花蓉去整成既醬汁包裹住岩煎好既帶子，仲有西班牙火腿，d帶子好彈牙，好鮮甜🌟焦糖餅乾口
🌟澳洲牛胸腹排 $165
我地今次叫左5成熟，上面仲淋上佢地獨有既醬汁，d牛肉整到好嫩🥩好滑，d薯仔又見到好惹味，分量好多，牛肉味真係好濃
🌟炸黑松露蘑菇球
呢個我第一次食，個黑松露味好重，好滑，好香口，入面仲有蘑菇粒🍄食落煙煙韌韌，又炸到熱辣辣，超惹味
🌟盲槽魚海鮮鍋 $145、
入面有青口，蜆，燒薯粒，海鮮濃湯汁🍲d海鮮係煮到好入味，好鮮甜，d青口同蜆都好肥美，嗦咪d海鮮湯得鮮甜簡直一流，而個魚係整到好嫩，入口即化咁，出面既魚皮係煎到好脆
🌟牛油果凱撒沙律
飯前食沙律真係好開胃，入面d沙律菜好新鮮，仲有好多就牛油果肉🥑仲有半個水煮蛋，淋上柚子醬汁，酸酸甜甜，好開胃
🌟凍檸檬茶
飲得出呢度係用手打既香水檸檬去整🍋飲落去個檸檬香味好重，又唔會好酸，好fresh
優惠追加
🌟香煎帶子 $78
呢個菜式真係好特別😊用左椰菜花蓉去整成既醬汁包裹住岩煎好既帶子，仲有西班牙火腿，d帶子好彈牙，好鮮甜
🌟焦糖餅乾口味芝士蛋糕 $48
一送到黎就已經聞到好香既焦糖味，一切開就見到d芝士流曬出黎，好濃既焦糖味，加上芝士流心既點綴🧀簡直一流
張貼
