名館 (已結業)

今日去左中上環果邊行下，行到餓餓地就搵左呢間名館食晏。個入口都幾難搵，我地係佢個後門入左去，入面有一半係遊客。坐低左就有杯茶上，都幾好飲，味道幾特別。我地叫左四樣野，分別有一口雞翼糯米飯，海綿叉燒包，鮮蝦金魚餃同焗豬扒飯。首先個糯米飯雞翼好熱，包得好實淨，唔會咬就散，但係懷疑係一早整好，有人叫就翻炸。個叉燒包個包皮幾軟熟，入面啲料好多，又夠熱。個蝦餃整到成條金魚咁，原來用左啲紅蘿蔔做裝飾，食落又唔係好覺有蘿蔔味，啲蝦又好多。最後上嘅就個飯，炒底嘅飯係唔同啲，啲汁同啲餸都幾大份，呢個算最抵食嘅一樣。埋單起要三百幾，算係一個唔平ge lunch。