Favilla Cafe (已結業)

第二次嚟呢度食lunch，仍然好滿意，所以要寫返個食評讚下佢。呢間小店主打日式定食，除咗定食，仲會有all day breakfast。午餐唔包嘢飲，野飲可以選擇咖啡、水果茶，餐牌上價錢減$15。基本上套餐已經包左湯，所以都唔一定要叫嘢飲。咖啡選擇都有幾款，可以見到係一啲特別嘅咖啡豆。今日叫咗個燒縞花魚定食，係好精緻㗎，但係份量又唔會好少，女仔嚟食一個定食會好飽。呢條魚燒得好好好，但係真係太多骨，有啲後悔叫咗呢個。上次試過佢個蒲燒鰻魚蛋飯定食同堆雞卷定食，係好好食！係咪好靚呢伴碟仲有一個薯球同沙律菜好。再飲埋個花茶，成個午餐好完美。佢個餐單會不定期轉，下一次就未必食得返同一樣嘅菜。下次都會再嚟！唯一唔好就係呢間小店實在太細啦。應該得10個位左右，lunch時間要好早嚟先會唔駛等位可以入座。