Hygge (已結業)

荃灣一向多好野食，而呢間新開嘅hygge就係其中一個唔錯嘅選擇。近日同朋友慶祝生日就去左呢度，叫左嘅食物都相當之好食。飲唔方面，我就叫左杯柚子蘋果沙冰，飲落非常清涼，岩晒炎炎夏日飲。唔試都唔知原來柚子同蘋果係咁夾，酸酸甜甜咁，味道並唔係好假嘅味精味，相當唔錯。而朋友就叫左呢杯hazelnut chocolate milk,我都試左一啖，飲落有香濃嘅hazelnut味，亦係一個不俗嘅選擇。他他向來係我最愛嘅前菜之一，唔同地方食到嘅他他味道同質素都相當唔同，而係hygge食到嘅他他算係我食過比較好食嘅之一。他他係用三文魚同舌拿魚混合而制，再溝埋特制嘅醬汁，食落非常開胃。而下面黑黑地嘅係黑糯米，食落口感較硬，同上面嘅他他一齊食，口感非常之新鮮。除左他他我地仲叫左個Caesar salad，沙律醬分量落得岩岩好，令沙律唔會太咸，再配合埋脆卟卟嘅面包同新鮮嘅生菜，係唔錯嘅開胃之選。主菜我地叫分別叫左個安格斯牛肉漢堡同波士頓龍蝦卡邦尼意粉。個漢堡非常好食，外層嘅面包外脆內軟，而漢堡扒亦非常厚身，咬落相當juicy。薯條係幼身果種，食落每條都非常香脆，真係食到停唔到口。卡邦尼意粉上面加左溫泉蛋，食落