料理農務 (已結業)

每次行過PMQ，都好想試呢間小品既餐廳。終於今晚有機會同朋友放左工去試下啦。本身book 左7:30，可能因為平日既關係，所以其實仲有大把位，而我地揀左坐室內。我地兩個女仔只係叫左三樣野食。第一樣係小籠包，一客有四隻，睇落個皮都幾薄。咬落去d湯汁爆哂出黎，肉味好濃。估唔到整得幾有水準！好想再encore叫到一客！第二樣叫左茄子煲，味道不過不失，加上肉碎的確好好伴飯。第三樣係安格斯牛肉窩蛋飯，呢個真係好有驚喜！牛肉分量好足，加上食得出d牛肉質素係幾好，味道都調得合度好處。食到最後一啖都仲有牛肉！