老巴剎廚房 (已結業)

一行三人外出搵食，見到新開餐廳即管一試。原本叫左白咖喱牛根腩飯、清湯牛腩湯麵及雞扒蝦籽撈面，結果落單落左白咖喱牛根腩飯（$88）、清湯牛腩蝦籽撈麵（$88）及雞扒蝦籽撈麵（$78），由於返工時間，我地冇改單照食，食物黎到份量唔大，可以用小巧精緻黎形容，係雞扒同豬扒會大件啲。牛根腩夠晒腍，但白咖喱冇乜特別味道，撈麵就有陣好香既麻油味，因為冇食，我不作評論。隔離枱叫左豬扒，黎既係雞扒，食客話黎錯，阿姐竟然改口話係豬扒，咁都講得出口，70幾80蚊個main得到咁既服務認真失望。以上價錢只得main course，加廿幾三十蚊先有小食同飲品，午巿唔使加一。麥x記食個撈麵$5x都已經唔平，佢收$78-$88真係有啲離地，況且又唔係好食過人地50%。