影片
更多
2023-02-18
883 瀏覽
旺角精緻居酒屋 祝ご 香港人幾時都鐘意日本野，日本蛋日本生果總之 made in japan 就係正~~今次日本米官方 JFOODO 舉辦咗「日本米饗宴」活動，佢地同 40 幾間餐廳合作推出咗限定日本米製作菜式～ 我就喺情人節嗰日去 @iwaigo.izakaya ，試咗佢地既鮪魚米子(情人節米子先有心型架) 同埋其他野食，樣樣都好正依家就開心些牙下先！📍鮪魚米子+芝士魚子米子 $88/份 (期間限定) 呢道菜式用秋田小町米米粿，配埋吞拿魚魚蓉同魚子打造而成。吞拿魚魚蓉新鮮肥美，米子底層超鬆脆，加埋魚子成個口感好有層次感～芝士既奶香味濃同魚子醬加埋，兩者味道超夾，但大家如果都有興趣試就要快啲！因為去到 28/2 號咋~ 📍廣田縣牡蠣嚟自廣田嘅蠔，肉質飽滿有濃郁海水味，配埋特製嘅醬汁，味道鮮味📍海膽茶漬飯茶漬飯係呢度嘅招牌菜之一，用燒飯團代替軟綿嘅白飯，配埋帶苦澀嘅綠茶，令味道更豐富，再配埋北海道嘅海膽，鮮甜無比，令茶漬飯層次昇華不少～📍燒帶子：仍保持爽彈嘅口感，好鮮甜嘅味道📍雞肉大蔥：雞肉嫩滑，有蔥嘅清新嘅香味📍豚五花腩：油香四溢📍免治雞肉棒：雞肉棒自家製，用料十足，蘸埋生雞蛋，入
香港人幾時都鐘意日本野，日本蛋日本生果總之 made in japan 就係正~~今次日本米官方 JFOODO 舉辦咗「日本米饗宴」活動，佢地同 40 幾間餐廳合作推出咗限定日本米製作菜式～ 我就喺情人節嗰日去 @iwaigo.izakaya ，試咗佢地既鮪魚米子(情人節米子先有心型架) 同埋其他野食，樣樣都好正依家就開心些牙下先！
📍鮪魚米子+芝士魚子米子 $88/份 (期間限定)
呢道菜式用秋田小町米米粿，配埋吞拿魚魚蓉同魚子打造而成。
吞拿魚魚蓉新鮮肥美，米子底層超鬆脆，加埋魚子成個口感好有層次感～
芝士既奶香味濃同魚子醬加埋，兩者味道超夾，但大家如果都有興趣試就要快啲！因為去到 28/2 號咋~
📍廣田縣牡蠣
嚟自廣田嘅蠔，肉質飽滿有濃郁海水味，配埋特製嘅醬汁，味道鮮味
📍海膽茶漬飯
茶漬飯係呢度嘅招牌菜之一，用燒飯團代替軟綿嘅白飯，配埋帶苦澀嘅綠茶，令味道更豐富，再配埋北海道嘅海膽，鮮甜無比，令茶漬飯層次昇華不少～
📍燒帶子：仍保持爽彈嘅口感，好鮮甜嘅味道
📍雞肉大蔥：雞肉嫩滑，有蔥嘅清新嘅香味
📍豚五花腩：油香四溢
📍免治雞肉棒：雞肉棒自家製，用料十足，蘸埋生雞蛋，入口更加順滑，更添一份蛋香
📍鰻魚：外皮香脆，肉質軟嫩
📍蒜香牛油粟米：粟米唔會燒到好乾身，有好香濃嘅牛油同蒜香味
📍年糕：包住附上嘅紫菜一齊食，食到外脆內軟嘅口感，不過一定要趁熱食，年糕凍咗口感無咁軟糯
📍宮崎和牛
和牛喺嚟自宮崎縣，油脂同肉較均勻，所以食落無咁油膩，配埋洋蔥等配料，味道更加豐富。
📍味噌牛什錦
入面嘅牛什用料都好豐富，分別有牛筋、牛肚、牛舌、牛腸等，佢哋都經已煮得好入味，又夠軟腍，而且味噌味道好濃郁，可以遮蓋到內臟獨有嘅味道。
📍德島縣雞扒刺身
雞肉刺身我第一次食，肉質非常嫩滑，味道好清新
📍鯖魚一夜干
鯖魚用一夜干嘅方法醃製，令味道更加濃郁，增添多款不同嘅風味，而且佢哋火候控制得好好，外皮香脆，肉嫩多汁，只需加檸檬汁就經已好好味。
📍燒鮎魚
魚肉嘅肉質柔軟，味道鮮美，經過烤燒，令外皮變得香口，配埋特製嘅調味，令鮮味更加突出。
📍味淋八爪魚乾：味道帶甜，口感煙韌
📍唐揚鰻魚骨：炸得好香口，用嚟配酒一流
📍雞皮餃子：用雞皮作為為餃子皮，雞油香味滲入餃子嘅餡料，令油香更加突出，而且雞皮煎得好香口，令人一食上癮。
📍螢光魷魚：係日本富山北陸區嘅產物，係一款送酒一流嘅食品，
📍櫻花可樂：因為情人節，所以就叫咗呢款櫻花色既汽水啦
#日本米#JFOODO#日本產#日本米饗宴
#大口在旺角#旺角美食#打卡餐廳#打卡美食#日式串燒#日式居酒屋#旺角居酒屋#
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
張貼
