成城 Fruitier (已結業)

成日去尖沙咀都經過依間日式甜品店 今次終於試咗！舖頭裝修以白色同雲石為主 座位雖然唔多 但係感覺好乾淨舒服 仲可以睇到芭菲製作過程！入到去見到所有甜品都好靚 而且絕對唔會睇得唔食得👍🏼蘋果伊甸園:煮過嘅蘋果食落有另一番味道 加埋新鮮嘅蘋果 唔會淨係得一種口感食到下層除咗有雪糕 仲有啫哩而且一面食到清香西柚味 另一面又會食到拖肥味一個甜品 多個層次！朱古力切餅:店員好細心會畫唔同嘅圖案做裝飾 襯起令成個蛋糕更加靚😍朱古力唔會太甜 配埋各種水果 口感好清新！總結:絕對係又睇得又食得嘅精緻甜品👍🏼