影片
更多
2018-07-02
59 瀏覽
自從黃埔站起好咗之後，紅磡同黃埔一帶都新開左唔少美食嘅店舖。同屋企人喺黃埔行街嘅時候，經過九號水產，發現進駐左唔少日本嘅餐廳，於是我哋就喺裏面揀一間日本餐廳嚟食啦比呢間餐廳嘅外貌吸引左，我哋就係因為佢蛋糕櫃上的蛋糕而入咗去試吓啦餐牌嘅食物款式都幾多，而且日本餐廳來講，價錢算係唔貴店員亦都好細心咁為我地介紹餐牌上面嘅食物我同媽咪一人叫咗一個餐黎share食媽咪就叫左餐廳推介嘅白鰻魚定食， 蒲燒鰻魚就食得多，白色嘅鰻魚都係第一次食。成個套餐都幾豐富，除咗有鰻魚飯之外，仲有沙律同埋烏冬。烏冬表面有啲海藻喺度，非常有營養價值。烏冬軟硬適中，煙煙韌韌。而沙律採用嘅蔬菜都非常新鮮，配上柚子醋，非常開胃。主角白鰻魚嘅肉質嫩滑，只係用少少鹽黎燒，已經帶出魚鮮味，果然值得推介。而飯係採用新潟米，所以飯香好出，軟硬適中。我就叫咗吉列豬扒定食，吉列豬扒大大塊，而且炸得非常香脆，肉質好腍，而烏冬我就叫咗冷烏冬，冷烏冬嘅口感更加有彈性。唔錯而今餐仲有蛋卷做甜品，我哋分別叫咗黑芝麻味同埋抹茶味，黑芝麻味道非常濃郁，而且一啲都唔甜。而抹茶味一樣濃郁，食到少少抹茶嘅甘香，蛋糕嘅口感鬆軟，相當唔錯另外大食嘅我哋另外仲叫
比呢間餐廳嘅外貌吸引左，我哋就係因為佢蛋糕櫃上的蛋糕而入咗去試吓啦
餐牌嘅食物款式都幾多，而且日本餐廳來講，價錢算係唔貴店員亦都好細心咁為我地介紹餐牌上面嘅食物
我同媽咪一人叫咗一個餐黎share食
媽咪就叫左餐廳推介嘅白鰻魚定食， 蒲燒鰻魚就食得多，白色嘅鰻魚都係第一次食。成個套餐都幾豐富，除咗有鰻魚飯之外，仲有沙律同埋烏冬。烏冬表面有啲海藻喺度，非常有營養價值。烏冬軟硬適中，煙煙韌韌。而沙律採用嘅蔬菜都非常新鮮，配上柚子醋，非常開胃。主角白鰻魚嘅肉質嫩滑，只係用少少鹽黎燒，已經帶出魚鮮味，果然值得推介。而飯係採用新潟米，所以飯香好出，軟硬適中。
我就叫咗吉列豬扒定食，吉列豬扒大大塊，而且炸得非常香脆，肉質好腍，而烏冬我就叫咗冷烏冬，冷烏冬嘅口感更加有彈性。唔錯
而今餐仲有蛋卷做甜品，我哋分別叫咗黑芝麻味同埋抹茶味，黑芝麻味道非常濃郁，而且一啲都唔甜。而抹茶味一樣濃郁，食到少少抹茶嘅甘香，蛋糕嘅口感鬆軟，相當唔錯
另外大食嘅我哋另外仲叫咗個草莓班戟，班戟口感鬆軟而且蛋香味出眾，配上士多啤梨醬非常好味，另外仲有布甸同埋香草雪糕，好豐富
飲品我哋分別叫咗滴漏咖啡沙冰同埋抹茶沙冰，沙冰嘅口感細滑，咖啡同抹茶味道非常濃郁，而且上面嘅雪糕軟滑，非常解暑
張貼
