影片
更多
2019-11-03
3250 瀏覽
全間餐廳嘅seating大約只有20個，中間就係廚房，每個位都可以欣賞廚師煮嘢食。我哋今次係HSBC credit card 嘅Menu，只係$550/pax，仲可以加$400選擇wine pairing，非常超值。首先，welcome dish係芝士多士，中間夾有洋蔥，令人10分開胃。第一道菜係牛肉他他，因為屋企人唔食牛肉，chef 細心另外整咗個八爪魚，同樣出色。欣賞佢嘅黑蒜醬，非常惹味，另外牛肉上亦有一粒粒嘅橄欖油，得意又好食。第二道菜係椰菜仔，佢嘅口感好有層次，上面係炸咗嘅椰菜仔，同埋好清新嘅青蘋果，下邊就有一啲沙律同埋榛子，非常refreshing。第三道菜係龍蝦risotto，龍蝦非常新鮮，嫩滑彈牙！Chef話佢哋專登揀比較硬身嘅米，令到煮嘅過程更長，令飯更入味。第四道菜係乳鴿，配上杞子醬，乳鴿亦非常嫩滑，令人忍唔住用手直接食。跟住就係甜品啦！第五道菜睇落好似豆腐花，但其實佢係一個用薑汁豆漿打成嘅泡沫，配上好似黃糖但實質係蜜糖嘅粒粒，非常清新。第六道菜好得意，好似去咗泰國咁，有椰子味嘅啫喱，配上sorbert ，亦都非常清新。最後就有petit fours，由上至下嘅係玫瑰
我哋今次係HSBC credit card 嘅Menu，只係$550/pax，仲可以加$400選擇wine pairing，非常超值。
首先，welcome dish係芝士多士，中間夾有洋蔥，令人10分開胃。
第一道菜係牛肉他他，因為屋企人唔食牛肉，chef 細心另外整咗個八爪魚，同樣出色。欣賞佢嘅黑蒜醬，非常惹味，另外牛肉上亦有一粒粒嘅橄欖油，得意又好食。
第二道菜係椰菜仔，佢嘅口感好有層次，上面係炸咗嘅椰菜仔，同埋好清新嘅青蘋果，下邊就有一啲沙律同埋榛子，非常refreshing。
第三道菜係龍蝦risotto，龍蝦非常新鮮，嫩滑彈牙！Chef話佢哋專登揀比較硬身嘅米，令到煮嘅過程更長，令飯更入味。
第四道菜係乳鴿，配上杞子醬，乳鴿亦非常嫩滑，令人忍唔住用手直接食。
跟住就係甜品啦！第五道菜睇落好似豆腐花，但其實佢係一個用薑汁豆漿打成嘅泡沫，配上好似黃糖但實質係蜜糖嘅粒粒，非常清新。
第六道菜好得意，好似去咗泰國咁，有椰子味嘅啫喱，配上sorbert ，亦都非常清新。
最後就有petit fours，由上至下嘅係玫瑰花味嘅macaron， caramel slice，陳皮啫喱，鳳梨酥，開心果蛋糕。
全程Chef Christopher都會悉心咁介紹每一道菜，亦都會推薦食法，非常細心，下次一定會再嚟。
張貼
