尚夢・茳煳 (已結業)

尚夢．茳煳在灣仔多年老字號！裝修後環境，座位更舒服，冷氣更充足，就連洗手間都幾雅緻！menu一如以往是高質 粵菜，手工心機菜式！買少見少。燉湯是雪梨海底椰湯，夠熱又夠足料！清甜又好潤既湯，剛轉冷非常滋潤又暖胃，最重要無味精！茳煳口水雞味道層次豐富，有麻辣鮮香嫩爽等味道，醬汁是口水雞的靈魂，葱花、炒香的芝麻、花生碎，令味道再提升！香辣惹味，雞皮又爽脆，雞肉又夠嫩滑而且量非常大份。香煎龍躉球個芡汁好入味，緊緊掛在炒到香口既 龍躉球肉，啖啖肉好滋味！金黃的龍躉球炒香，龍躉外脆內軟，香嫩惹味。茳煳炒飯餐廳招牌炒飯，雖然唔係貴價食材，勝在炒功了得，乾到乾爽唔油膩，蛋白，茶瓜，菜粒，蟹肉等材料粒粒分明，口感爽身夠層次。又係大大碟幾抵食！最後食埋個甜品奶皇糯米糍，皮薄帶煙韌，餡料奶皇夠香唔死甜！食完唔會好飽濟既感覺。店員服務好又夠細心！難怪熟客回頭捧場。