SO TAM (已結業)

今日中午同左同事去食越南野，你間越南餐廳環境雅致，裝飾品帶越南風情，門口更有一幅手繪壁畫比客人打卡！感覺好似去咗旅行一樣。餐廳嘅午市套餐大概70至$90左右，同事叫咗一個番茄蟹檬，我就叫咗一個香茅豬扒飯套餐。套餐裏面包一個木瓜沙律和一款越南小食以及甜品！價錢都算合理。木瓜沙律酸酸甜甜，非常開胃！而這個越南小食裏面有些肉碎，蝦米，少少洋蔥作調味等味道有少少似粉果，但外皮比粉果更有彈性！味道不錯。同事的蟹檬材料頗豐富！裏面有豆卜，魚腐，蕃茄，豬紅同埋蟹肉，我喝了一口檬粉的湯頭，湯頭有濃郁的番茄味道之餘更有蟹膏的鮮甜味，湯底非常出色！看來下次一定要嚐嚐。香茅燒豬扒飯：燒豬扒不會很乾，燒烤醬汁配上豬扒原本已非常招惹味！但配上餐廳秘製嘅醬汁更能挑起食慾！豬扒帶有很香的香茅味，肉質不鞋口，加上帶少辣的咖喱配飯吃非常下飯。食完飯之後仲有越南傳統的斑斕椰汁糕作甜點，實在令人覺得太幸福了。