影片
更多
2017-08-11
4305 瀏覽
打工仔放左工當然要好好咁依下個肚仔，但係每次諗食啲乜嘢都諗成個鐘，所以今次就約埋朋友仔一齊收工打邊爐，夜麻麻收工都係去旺角啦，起碼食到兩三點都有車走呀，而且聽朋友仔講有間手作火鍋店推介咁就要試試😋呢間位於旺角彌敦道譽發廣場3樓既焱手工涮涮鍋就係朋友仔所講嗰間手作店，淨係講環境一出到嚟就見到牆上面嘅壁畫圖案又畫得幾有心思同特別，再望一望個餐牌寫10點後全單85折，完全符合我呢啲放工嚟食嘢嘅人，行到門口就當然即刻入閘闖一闖先啦。一入到去即刻有招呼，而我同行四人當然揀一個卡位啦，先講下間鋪既硬件，呢個四人卡位極之寬倘，相信可以足夠坐六個人呀！讚👍睇完一輪嘅餐牌之後我哋就決定點一個焱選套餐，當點完餐之後就立即有人送我哋一碟前菜：柚子沙律。鮑撈起手撕雞，睇幅圖就知道係我拎相機影相果刻朋友仔們隻手已經拎起咗筷子，所以我用一個迅雷不及掩耳嘅速度影完相立即起筷，呢碟手撕雞同燈籠椒炒埋一碟做前菜真係一流酸酸甜甜好開胃！而個火鍋湯底我哋揀咗馬來香芋沙嗲鍋&養生人蔘藥膳鍋，呢個火鍋一上到枱就令我呢個寵物小精靈粉絲聯想起成個鍋就好似精靈球咁嘅款，而且湯底方面沙嗲湯底只可以講非常之香，為因為我比較唔食得辣所以人
打工仔放左工當然要好好咁依下個肚仔，但係每次諗食啲乜嘢都諗成個鐘，所以今次就約埋朋友仔一齊收工打邊爐，夜麻麻收工都係去旺角啦，起碼食到兩三點都有車走呀，而且聽朋友仔講有間手作火鍋店推介咁就要試試😋
呢間位於旺角彌敦道譽發廣場3樓既焱手工涮涮鍋就係朋友仔所講嗰間手作店，淨係講環境一出到嚟就見到牆上面嘅壁畫圖案又畫得幾有心思同特別，再望一望個餐牌寫10點後全單85折，完全符合我呢啲放工嚟食嘢嘅人，行到門口就當然即刻入閘闖一闖先啦。
一入到去即刻有招呼，而我同行四人當然揀一個卡位啦，先講下間鋪既硬件，呢個四人卡位極之寬倘，相信可以足夠坐六個人呀！讚👍
睇完一輪嘅餐牌之後我哋就決定點一個焱選套餐，當點完餐之後就立即有人送我哋一碟
前菜：柚子沙律。鮑撈起手撕雞，睇幅圖就知道係我拎相機影相果刻朋友仔們隻手已經拎起咗筷子，所以我用一個迅雷不及掩耳嘅速度影完相立即起筷，呢碟手撕雞同燈籠椒炒埋一碟做前菜真係一流酸酸甜甜好開胃！
而個火鍋湯底我哋揀咗馬來香芋沙嗲鍋&養生人蔘藥膳鍋，呢個火鍋一上到枱就令我呢個寵物小精靈粉絲聯想起成個鍋就好似精靈球咁嘅款，而且湯底方面沙嗲湯底只可以講非常之香，為因為我比較唔食得辣所以人蔘湯係我揀的驟眼所見材料都10分豐富例如杞子同兩大條人蔘，喺其他火鍋店真係未必可以食得到呢啲湯底。
當個火鍋湯底比我部相機食完之後店員就隨即到啲酒喺中間嗰一堆蜆到，之後就叮囑我哋幾位唔好坐咁埋，因為佢同我地搞笑咁講個精靈球要點火啦，咁精采嘅時刻我當然用手機慢動作影低佢再分享俾大家睇吓。當個火燒完之後，好快就將d蜆食哂，快快口食晒嘅原因就當然係啲酒煮蜆又大粒又好味啦🙈
當我地仲等緊個鍋嘅時候，又見到一盤賣相精緻嘅菜式
分別有太極孩子海鮮軍艦，鮮蝦雪條棒，牛肝菌黑松露餃子，三層樓墨魚磚，鯇魚丸。淨係睇個賣相就知道一半嘅火鍋店根本就食唔到呢啲咁有創意嘅食材，佢哋嘅味道唔使多講啦，三個字「好味」，好味其實係除咗食材新鮮之外同埋佢嘅賣相重點就係佢哋嘅調味配料，因為一般都係豉油、蒜蓉、花生醬、蔥，但最意想不到嘅係有我最鍾意嘅胡麻醬，呢一下胡麻醬絕對係我對佢大讚嘅原因之一。
另外呢個時令海鮮拼盤，個店員一搬到上枱，真係忍唔住嘩左一聲，聖子、鮑魚、帶子、海蝦、脆鯇片，平時嘅火鍋店根本就食唔到鮑魚同帶子，而今次呢個時令海鮮評判係會因應當日嘅魚市場供應而有變動，所以今次有鮑魚食相信都係我同朋友仔開心食嘅一種福氣。亦都係因為時令海鮮嘅關係所以啲海鮮全部都好新鮮
而係肉類方面我哋揀咗日本松板黑豚肉配小黃瓜，淨係睇佢掛起啲肉個架，同埋啲小黃瓜切得纖薄嘅刀工，又邊可能忍得住手唔即刻試試。個黑豚肉配埋我自己調出嚟嘅胡麻醬汁真係一流，而呢個小黃瓜我直接放入口，一個字「鮮甜」。
打邊爐最緊要有響鈴，因為響鈴一浸落個湯底就會索晒啲味，我浸左呢個人蔘藥膳湯隨即放入口，每哭一下都流出淡淡既蔘湯味，冇得彈。
眼前呢一點就係頂級安格斯牛頸脊，淡薄嘅脂肪鋪滿左係呢個鮮紅色嘅牛肉上面，真係唔好講笑食少幾塊都覺得自己蝕底左，夾落去個鍋度滾一滾在輕輕點一點醬汁完完全全可以吊起佢果種濃烈嘅牛肉香同淡薄嘅脂肪味道！
喺飲品方面我就揀咗「山渣紫背天葵」，因為打邊爐通常都會食好多野，有杯山渣飲品幫自己個胃消化下係最明智嘅選擇！味道好味之餘又唔會太甜，而份量仲足夠應付我成個宵夜！
呢個四人飯局，每位都係268，10點後入座仲有八五折添，環境非常清新，地點又非常就腳，而且而呢一個價錢食到咁新鮮嘅海鮮同埋啲豬豬牛牛，仲有用心整出嚟嘅手作食材，真係物超所值😋
張貼
