嘉豐點心專門店

營業中

休息中

嘉豐嘅點心其實我食咗4年幾了，住沙田嘅我地有時真係專登揸車去九龍城食。今次又趁阿女番咗學同老公拍拖去飲早茶。嘉豐嘅茶介只係$4一位，而且佢啲水好夠熱，水滾茶靚。點心嘅種類都好多，我地叫咗4個點心，連茶介都只係$100，無加一。其實真係好經濟實惠，難怪無論早茶定晚茶，店內都起碼有8成滿座。今次食咗4個點心，尤其推介糯米雞，超足料！雞肉、咸蛋、肥豬肉都有齊，食完都已經飽飽地。雪山叉燒包味道幾好，不過唔夠熱。古法馬拉糕真係傳統嘅馬拉糕，夠熱又唔會太甜，正！燒賣係正常水準，不錯。最後想講佢個辣椒油真係好正，點少少已經好辣好香。最後想講，我發現座位附近都有蟻行嚟行去，希望店家會改善一下衛生環境啦。