創味坊 (已結業)

夜晚同班朋友一行4人差唔多9點先食飯，呢區本身附近人流就唔多，所以坐得好舒服唔會太嘈。環境好有格調，冷氣好夠但唔會太凍，光線好啱selfie或影食物😂老闆親自來招呼我地，首先俾壺冰水上台，簡單係爽YY。最欣賞個足料入味又大煲既湯，每人都飲2-3碗，飲唔晒都要打包，最啱忙到冇時間返屋企既人士，潤到一個點。老闆推介既黃花魚都好正，好滑，一點都唔腥，好味到唔記得影相就食左仲叫左碟腐乳通菜鮮魷、東風螺、沙嗲金菇肥牛煲，冇驚喜，正常。但欣賞佢既細心，因為我地成班女仔食得慢，佢會見我地食到一半先上另一碟。最驚喜係食到差唔多老闆送左碟朱古力一口多士俾我地食😍😍😍😍仲提我地影相share 上fb tag 佢地全單9折！