蛋撻王 (砵蘭街)

營業中

休息中

蛋撻王做facial經過，見到間鋪個名咁把炮叫蛋撻王，想試下佢係咪勁得過我之前中學對開個間無得輸既面包鋪賣既蛋撻既地位。第一次黎買，唔知呢到蛋撻有咁多種類，埋counter同個姐姐講要三個蛋撻，個姐姐兇我話：「要邊隻啊？」唔知有咩味，心諗講原味實無死，我就答：「原味。」點知又比姐姐兇多次：「即係邊隻啊！」佢指左個牌比我睇，原來有牛油皮酥皮仲有好多其他蛋撻，係無原味呢樣野。anyways驚比人再兇，即刻叫左三個酥皮蛋撻，之後就急急腳咁走。佢鋪頭出面話，隻酥皮蛋撻有成300幾層。番到屋企叮番熱黎食，酥皮真心鬆化，係好食既，蛋心唔算好甜，我個人口味鐘意再甜少少。真心係唔錯，有被佢個酥皮驚艷到。下次挑戰佢個牛油皮先。