車品品小食 (已結業)

幾日前收工落大雨，經過平日要排隊嘅車品品無人等就走入去試下。叫野嘅方法係喺個位到寫好呢出去交低，成間野得兩個人所以野食都要等下。叫左糖醋溏心皮蛋($12)，太肚餓唔記得影相。溏心皮蛋切開一半，上碟時糖放左旁邊，再倒枱上嘅醋落d糖到。好少咁食，甜甜地幾特別，食到尾果淡唔估點解突然有苦味。整體黎講我只可以話幾特別，但比起平時喺其他地方食嘅尖椒皮蛋果d，我絕對唔會再揀咁食。跟著叫左車仔麪：牛腩($17) + 蘿蔔($9) + 蛋粗麪($10)。一開始佢比錯左個大雜麪我，真係超多 再等左一陣我果碗終於黎了！唔似得出面普通平價車仔麪，佢真係幾多餸，個湯底超濃好深色，d牛腩都係，個湯甜甜地，開頭加埋質感幾好而又冇咩味嘅蛋粗麪食都幾開心，但愈食就愈覺得膩。最後食唔哂兼好濟咁離開。作為一間小店野食確實唔普通，但係味道覺實唔係好對我嘅口味，未食過可以試下，但係叫我再黎就應該未必會。