影片
更多
2021-11-11
527 瀏覽
喺附近住配合返香港人嘅生活時間一般都會買外賣長期都幫襯呢間佢嘅叉燒同埋燒肉真係冇得輸每一次都會嗌埋滑蛋佢啲組合係好完美而且食物次次都好新鮮好有水準佢啲薑蓉又唔鹹總之成個組合係你食完會好滿足同埋好滿意$72蚊係好值得比.今日 11/11 令我完全改觀嘅一次經驗平時舖頭係一個後生女負責落單同埋一個戴帽有口音嘅師傅切叉燒同埋整理個飯今日舖頭買換左一個Bob頭嘅阿姨同埋一個新嘅師傅我唔知道係佢哋配合上有唔如意嘅地方定係兩位都係新手首先我去到櫃檯嘅時候 阿姨喺度整理緊外賣於是我企喺前面等 阿姨問我：你要咩我話：我想嗌外賣 不過你可以整埋手頭上嘅先;)佢一邊整理佢手上嘅外賣 同我講：你嗌啦！咁我就開始落單 然後落到一半佢同我講：你等陣(將心比心你會點諗)然後佢又繼續整理佢手上嘅外賣 再返嚟同我講：你要咩話？首先我唔係冇比時間你去整理手頭上嘅外賣你用好差嘅態度同我講你嗌啦 我都覺得冇問題 明白你有事忙緊到我嗌嘅時候你又叫我等陣如果你唔能夠一心二用嘅話麻煩你處理好自己手頭上面嘅嘢先到我落好單繼續等師傅整野相信師傅並唔係熟手因為本人嗌嘅係雙拼飯再加煎蛋正常嘅做法 包括間鋪嘅圖片顯示 以及過往食咗幾十次嘅
配合返香港人嘅生活時間一般都會買外賣
長期都幫襯呢間
佢嘅叉燒同埋燒肉真係冇得輸
每一次都會嗌埋滑蛋
佢啲組合係好完美
而且食物次次都好新鮮好有水準
佢啲薑蓉又唔鹹
總之成個組合係你食完會好滿足同埋好滿意
$72蚊係好值得比
.
今日 11/11 令我完全改觀嘅一次經驗
平時舖頭係一個後生女負責落單
同埋一個戴帽有口音嘅師傅切叉燒同埋整理個飯
今日舖頭買換左一個Bob頭嘅阿姨同埋一個新嘅師傅
我唔知道係佢哋配合上有唔如意嘅地方
定係兩位都係新手
首先我去到櫃檯嘅時候 阿姨喺度整理緊外賣
於是我企喺前面等
阿姨問我：你要咩
我話：我想嗌外賣 不過你可以整埋手頭上嘅先;)
佢一邊整理佢手上嘅外賣 同我講：你嗌啦！
咁我就開始落單 然後落到一半佢同我講：你等陣
(將心比心你會點諗)
然後佢又繼續整理佢手上嘅外賣
再返嚟同我講：你要咩話？
首先我唔係冇比時間你去整理手頭上嘅外賣
你用好差嘅態度同我講你嗌啦 我都覺得冇問題 明白你有事忙緊
到我嗌嘅時候你又叫我等陣
如果你唔能夠一心二用嘅話
麻煩你處理好自己手頭上面嘅嘢先
到我落好單繼續等師傅整野
相信師傅並唔係熟手
因為本人嗌嘅係雙拼飯再加煎蛋
正常嘅做法 包括間鋪嘅圖片顯示
以及過往食咗幾十次嘅經驗
煎蛋都會鋪喺飯上面 然後將啲燒味放上去
師傅將燒腩仔同埋碎嘅叉燒放上去個飯度
然後唔記得咗睇張單我有加煎蛋
然後佢好快速咁俾咗兩隻煎蛋
一Pat咁放咗喺個飯同啲燒味喺上面
第二個飯 啊師傅又唔記得咗加左滑蛋
如是者一樣做法
好似求其將啲垃圾放喺個飯上面咁樣
唔好意思可能係我先入為主
平時你哋呢間鋪做得太好
應該係話平時嘅後生女同埋帶有少少口音嘅師傅做得太好
所以我先幫襯完一次又一次
如果你哋作為員工會睇到呢一篇食評
希望你哋內部都作出相對嘅溝通
今次呢兩位同事真係令我好失望
自問唔係雞蛋裏面挑骨頭嘅人
錢我已經俾咗 食物你亦都整咗
作為一個有公德心嘅消費者
我繼續喺度等
我亦都唔係要喺度唱衰呢間鋪
平心而論佢嘅食物係有水準(平時)
希望今次只係單一事件以及個別員工未熟手所導致
講真今次真係好失望！
張貼
