金西南米線

營業中

休息中

真係由中學開始食到依家，食嘅都係回憶。食左咁多年，由食小小辣一路食到中辣呢個心路歷程都好漫長😂最愛佢地嘅鯊魚丸同牛肝菌，印象中佢地嘅大腸同腩肉都好唔錯。今次諗住同朋友去行街，所以就決定快吃個米線，就揀左呢間回味以前嘅味度。講真，我好感恩佢仲屹立喺銅鑼灣，我仲有機會食到！今次我叫左最愛牛肝菌，oh yes!! 今晚有得食呀！我有幾次想食都食唔到！ lucky me!! 仲叫左腩肉！點知，個腩肉今次真係衰左，又大舊又鞋，唔夠淋，不過！牛肝菌仍然好好食！湯底都好好味！而且米線仍然保持水準好彈牙！真係衰左個腩肉。總括嚟講一餐我都仲係好滿意