春水堂 (新城市廣場三期)

營業中

休息中

今日去咗沙田呢間度食晚餐。兩個人食，都唔係等咗好耐，大概10分鐘左右。（1）半筋半肉蕃茄牛肉麵，92蚊。價錢來講都偏貴，食起上嚟係好食嘅，正常發揮。蕃茄湯底濃，都有牛肉味，應該拗咗都好一段時間，再加埋兩舊蕃茄配搭，我菜亦都給左湯底嘅味，冇乜點失望。至於牛筋同牛肉，牛肉肉質軟林林，有啲似五香肉丁牛肉嗰啲質感，依個牛筋都好大，易咬，但係同樣都有𡁻口。唯獨肉同筋嘅份量有更多就更好啦。（2）豬肉魯肉便當， $92。好食，裏面其實好豐富，有菜有肉有飯有湯。而且啲菜係唔難食嘅，啲菇都意外地好食，應該落嘅調味料唔多，但係嗰個鮮味吃保留得到。靚料。豬手、魯肉鹹甜適中，配樂個白飯到不得了。（3）珍珠奶茶， $32。正常發揮，冇乜comments。以台灣料理來講，其實都真係好好食，價錢係就係貴咗啲，但係沙田新城市呢一個地理上來講都叫對得住囉。性價比，7.5/10。