噹噹燒 (已結業)

尋晚啱啱同女朋友睇完戲,諗住去試下,去到都十點喇,連埋我地有四枱,但係見到個可能係老細隻手傷左煮唔到野,所以情怳都幾亂,出單都幾慢~!一坐低個小妹妹就比左兩柸茶我地,不過係凍既!我女朋友想飲熱茶,我問佢可唔可以比過柸熱既我,結果都只係比左柸微暖既茶我...不過算啦...我地叫左個二人套餐,有湯,頭盤,兩份串燒,一個燒餅,仲有甜品!!首先黎個湯,並唔係行貨既包裝麵豉湯,真係自己煮既木魚湯,味道清好多,ok合格!!再黎係頭盤:燒煙鴨胸,呢個都ok,因為係買番黎既,只係燒過下咁啫,所以冇咩驚喜~之後係串燒雞肉,味道一般,個汁幾好,可惜雞肉本身唔夠入味,再黎本來應該係芝士腸架,不過黎錯左'芝士雞肉'都算啦,因為要換既話起碼要再等十分鐘,所以照食,但係呢個又真係好食喎!加埋芝士香好多,值得再試!跟住就到主菜喇'日式噹噹燒'大約有7吋,唔算好大份,外型唔錯,加埋d木魚花郁郁下咁幾靚!聞到真係好香,食落味道都好正宗,餡料夠多,口感唔錯,海鮮雖然唔係咩新鮮野,但係起碼冇雪味食落都唔會霉,又食唔到粉味,值得一讚!!最後到甜品喇,紅豆燒年糕,呢個甜品呢!真係有d怪怪地,先唔講味道,呢個明明係二人套餐,但係