OH MY GOOSE! (已結業)

最近忽然想食靚叉燒，見呢間幾多好評就決定來試試。本來想叫叉鵝米，但燒鵝賣晒(只不過晚上7點)，於是叫最受歡迎的招牌黯然銷魂飯。呢個咁得意嘅名，其實係指叉燒煎蛋飯，而叉燒同太陽蛋都是我很喜歡的，如果料靚又做得好真係可以好正。但點知一來到就知道不對路：叉燒一睇就知係又乾又鹹，仲要切得薄薄的，食落果然非常失望。我係叫要瘦叉燒，但瘦唔代表乾囉，如果靚嘅話一樣可以嫩滑多汁。唔知係唔係部位問題太近邊位，但一間高質素有要求嘅餐廳就係唔可以有啲咁嘅嘢俾人。另外太陽蛋不過不失，飯都 ok，但絕對補償唔到啲劣質叉燒。