CURATOR Art & Café (已結業)

好耐都冇黎K11 musea 行，今日同朋友特登過黎，好多野都唔同晒。行到咁上下，就想搵地方飲杯咖啡。 見到Curator Art & Cafe, 幾靚就入黎試下。 原來仲可以食埋飯，真係好正。朋友就決定叫個set, 唔諗咁多仲可以食多啲，仲可以試下佢地最出名既artsy print coffee。 原來杯咖啡既打印圖唔係指定架，自己比張相店員就可以即時印出你想要既相，真係好驚喜，好好玩。店員話杯咖啡係凍既，先可以hold住個圖，真係好靚。 而且佢杯啡真係好正統既美式咖啡，個味道真係好真夠，令人返左美國咁。個餐有芒果沙律，好新鮮，唔會太多醬搶晒沙律既鮮味。 BBQ燒牛肋骨，好大份，又入味又夠稔。 冇諗到cafe都會極整得咁好。 另外再叫左個炸墨魚圈，好美味，一啲都唔油膩。 最後特別要留既芒果芝士蛋糕，配埋佢原粒朱古力雪糕，真係好圓滿既一餐。