不要對我尖叫，日常茶間， (戲曲中心) (已結業)

今次試戲曲中心入面既靚靚台式茶飲舖，不要叫我尖叫，位置係地下中庭後少少既位置，環境好開揚同舒服。叫左兩杯飲品、原味窩夫餅（$22）同提拉米蘇窩夫餅（$28）。飲品我覺得正常發揮，洛神蜂蜜菊花（$26）既酸度被蜂蜜既甜中和返，飲落好舒服好滋潤，香柚荔枝水果茶（$24）就香甜清新，仲有原粒荔枝肉！強烈推薦要叫呢度既窩夫！佢個窩夫做得真係好好，現場現做，可以睇住員工接單拎窩夫麵團遂個放入烤盤，烤好再淋糖粉、起司奶蓋醬同朱古力咖啡粉係面，送到客人面前係熱辣辣，上面既醬半融，咬落去醬係凍但餅係又香又鬆軟，有種冰火既感覺，想食完再食！